කෙසේ වෙතත් ආරක්ෂක මණ්ඩලයේ ඒකමතික අනුග්‍රහය යටතේ සුඩානයට විරුද්ධව ගන්නා ඕනෑම ක්‍රියාමාර්ගයකදී නිත්‍ය සාමාජිකයන් දෙදෙනෙකු වන රුසියාව සහ චීනය, සුඩානය සමඟ පවතින සන්ධානය අනවශ්‍ය ප්‍රශ්න ඇති කරන්නක් විය හැකිය. මෙම රටවල් දෙකටම විරුද්ධව සුඩානය සන්නද්ධ කිරීම පිළිබඳ චෝදනා නැ‍ෙගන අතර එය 2005 දී ඩාෆූර් නුවර සිදු වූ අපරාධ පිළිබඳ පරීක්ෂණ පැවැත්වීම සඳහා එක්සත් ජාතීන්ගේ සංවිධානය විසින් සම්මත කරන ලද යෝජනාවක් බව මෙම රටවල් දෙක එනම් චීනය හා රුසියාව අනුමත කර ඇත.එක්සත් ජාතීන්ගේ මහලේකම්වරයා වන බෑන් කී මූන් මහතාගේ ප්‍රකාශයකට අනුව ඔහු කියා සිටියේ තවදුරටත් සුඩාන රජය සුඩානය තුළ ඇති එක්සත් ජාතීන්ගේ කණ්ඩායම් සමඟ සහයෝගයෙන් කටයුතු කරනු ඇති බවට ඔහු බලාපොරොත්තුවන බවත්, එමඟින් එක්සත් ජාතීන්ගේ සංවිධානයේ දේපල වලට සහ නිලධාරීන්ට ඇති ආරක්ෂාව සහතික කිරීමට කටයුතු යොදනු ඇති බවත්ය.
කාර්ටුම් නුවර පාලනය විසින් තමන් වාසය කරනු ලබන ඩාෆූර් ප්‍රදේශය නොසලකා හැර ඇතැයි කියමින් රජයට විරුද්ධව කැරලි ගසන කණ්ඩායම් දරුණූ ලෙස මර්ධනය කිරීම සුඩාන් රජය මඟින් 2003 දී ඇරඹීමත් සමඟ මෙම ප්‍රදේශයේ යුද්ධය ඇවිලී ගියේය. එක්සත් ජාතීන්ගේ තක්සේරුව අනුව ගැටුම් වලට මැදිවීමෙන් හා සාගතය නිසා මෙම ප්‍රදේශයේ 300,000 ක් පමණ ජනතාව මිය ගොස් ඇත.
මොරෙනෝ ඔකැම්පෝට අනුව සුඩාන් හමුදා හා රජය වෙනුවෙන් කටයුතු කරන පන්ජාවිධි සන්නද්ධ කණ්ඩායම් ඉතාමත් සැලසුම් සහගතව ගම්මානවල වාසය කරන සිවිල් ජනතාව තමන්ගේ ඉලක්ක බවට පත්කරගන්නා බවයි. සමහර අවස්ථාවල ලඟ පිහිටා ඇති කැරළි කණ්ඩායම්වල කඳවුරු මඟ හරිමින් සිවිල් ජනතාව වාසය කරන ගම්මාන ඉලක්ක බවට පත් කරගන්නා බවයි.
ඔහු තවදුරටත් චෝදනා කරනු ලැබුවේ ඔවුන් ගම්මාන විනාශකරන බවත්, කාන්තාවන් හා ළමුන් දුෂණය කරන බවත්, නිවාස අහිමි වූ අයට කාන්තාරය තුළ සහ කඳවුරු තුළ මන්ද පෝෂණයෙන් සහ සාගතයෙන් පීඩාවිදීමට සලස්වන බවත් කියමින්.
මෙම මිලියන 2.5ක් වූ සරණාගත කඳවුරුවල වෙසෙන ජනතාව මරා දැමීමට අල් බෂීර්ගේ හමුදාවට ගෑස් කාමර අවශ්‍ය නොවන බවත්, කාන්තාරය විසින් ඔවුන් මරා දමනු ඇති බවත් ඔහු පැවසීය.
සාක්ෂිකරුවන් පැවසූ ලෙස ස්ත්‍රී දුෂණය ඩාෆූර් ප්‍රදේශයේ අයට සාමාන්‍ය දෙයකි. මෙම සමූහ ස්ත්‍රී දුෂණ මඟින් ජන් ජාවීඞ් දරු පරපුරක් බිහිවන අතර අදාළ වින්දිත කාන්තාවන් විසින් මෙම දරුවන් විනාශ කිරීමේ අවදානමක් ද පවතී.
මෙම අත්අඩංගුවට ගැනීමේ වරෙන්තුව මඟින් ලෝකයට මෙම ඝාතන වැළැක්වීමට අවස්ථාවක් උදාවී ඇති බව මොරෙනෝ ඔකැම්පෝ ප්‍රකාශ කරන ලදී.
”අපි කටයුතු කරමින් සිටින්නේ වර්ග ඝාතනය සමඟයි. මෙය නැවැත්වීම පහසුද නැත. නමුත් මෙය නැවැත්වීම කළ යුතුමයි ”.පුවත්පත් සාකච්ඡාවේදී මොරෙනෝ ඔකැම්පෝ මහතා ප්‍රකාශ කරන ලදී.ජාත්‍යන්තර ප්‍රජාව අතීතයේ දී අසමත් වී ඇත. ඔවුන්ට රුවන්ඩාව තුළ වර්ග ඝාතනය වැළැක්වීමට නොහැකි විය. ඔවුන්ට බල්කන්ස් කරන ලද අපරාධ නැවැත්වීමට නොහැකි විය. මෙය අළුත් අවස්ථාවකි. දැන් අපට ස්වාධීන අධිකරණයක් ඇත.
එක්සත් ජාතීන්ගේ ජාත්‍යන්තර අධිකරණ වලදී හිටපු සර්බියානු ජනපති ස්ලෝබෝඩාන් මිලසොවික් සහ ලයිබීරියානු ජනපති මාර්ල්ස් ටේලර් ඔවුන්ගේ පාලන කාලය තුළ සිදු වූ යුධ අපරාධ සම්බන්ධ චෝදනා ඉදිරිපත් කරන ලදී.
ස්ලෝබෝඩාන් මිලසොවික් 2006 වසරේදී සිර ගෙය තුළ මිය යන ලද අතර ටේලර් හේග් නුවරදී සියරා ලියෝන් රාජ්‍යය තුළ සිදුකරන ලද මනුෂ්‍යයත්වයට එරෙහිව කරන ලද අපරාධ සම්බන්ධ නඩු විභාගයට මුහුණ දී සිටී.
සමාප්තයි !
No comments:
Post a Comment